Обединети за Македонија го осудуваат политичкиот прогон на активисти кои се дел од протестите и против кои се покренати кривични постапки.

Меѓу нив се наоѓаат и претставници на политички партии кои, како што се наведува, се борат против оваа недемократска диктаторска власт на која деновите до заминување и се одбројани.

„Претседателот на Обединeти за Македонија, Љубе Бошкоски реваншизмот на власта претворен во тoртура сè уште го преживува во занданите во Идризово. Веруваме дека во корумпираното и партизирано судство има некој се уште не извалкан, судија со образ кој нема да го помага политичкиот прогон од страна на власта кон неистомислениците. Граѓаните јасно порачуваат вистинските криминалци и насилници слободно се шетаат по улиците, а оние кои се борат правдата да биде задоволена и секој кој се огрешил од законот да одговара се притвораат со цел загушување на барањето на правда и слобода“ - реагираат од партијата.

Додаваат дека ова нема да помине и никој не може да го загуши доаѓањето на слободата која силно ќе светне над Македонија.