Случајот „Шпион“ ќе го води Основното јавно обвинителство станува јасно од денешното соопштение од Скопското обвинителство.

ОЈО прогласи надлежност за предметот „Шпион“ и улогата на новинарот Зоран Божиновски, кој оваа институција го гони за сторени кривични дела „злосторничко здружување“, „шпионажа“ и „уцена“, се вели во соопштението од Основното јавно обвинителство.

Советот на јавните обвинители решавајќи за предметот „Шпион“, во април годинава достави одлука според која надлежно за постапување за предметот „Шпион“ е Основното јавно обвинителство за гонење на организиран криминал и корупција.

Одлуката Советот ја достави до Основниот суд – Скопје, Апелациониот суд – Скопје, Основното јавно обвинителство за гонење на организиран криминал и корупција и Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, додаваат од ОЈО.