Општинската власт во Охрид задоволна од последната летна туристичка сезона. Велат пораснал бројот на ноќевања е за 2,8 отсто споредено со ланското лето во шпицот на летната сезона и покрај лошите временски услови. Се пофалија и дека бројот на гости во мај и септември годинава е значително поголем во однос на истите месеци минатата година, а поголема била и наплатата на туристичката такса за 16 отсто. Намалување кај домашните ноќевања за 12 % , но растат ноќевањата на странски туристи за 17%. Ова за градоначалникот Никола Бакрачески носи оптимизам и ги демантира тврдењата за лошата туристичка сезона крај езерото. „Според податоците од секторот за финансии и буџет во Општина Охрид, во првите девет месеци од оваа година имаме реализирано наплата на туристичка такса од 11, 8 милиони денари од хотели , и уште 1,9 милиони денари од приватни стано издавачи или вкупно 13,7 милиони денари што всушност претставува дури 15, 6% поголема наплата на туристичка такса за истиот период од 2012 година“, истакна Бакрачески . Тој најави дека со цел идната сезона да биде поуспешна, општина Охрид и Секторот за туризам и локален економски развој работат на усвојување на поагресивна програма пред се во промотивниот дел на туристичките можности на Охрид . „За наредната година имаме спроведено повеќе активности кои што се во подготвителна фаза. Се надевам дека сите наши замисли и проекти ќе бидат готови до крајот на 2013 година. И на една од наредните наши прес конференции ќе ги финализираме односно ќе ги изнесеме сите наши заложби за подобра туристичка сезона во 2014-та година“, истакна  градоначалникот. Од општината велат дека идната туристичка сезона треба да се формираат и туристички берзи на местата со најмногу гости за тие да можат организирано да се пречекуваат.