За оваа „слатка“ работа, компанијата Candy Funhouse со седиште во Онтариоа, одвои годишна плата од 100.000 канадски долари или околу 77.000 евра.

Во необичниот оглас за работа кој привлече голем интерес, е наведено дека се бара „генерален менаџер за бонбони“.

Канадската компанија бара лице, кое мора да има повеќе од пет години и кое мора да дегустира околу 3.500 парчиња бонбони месечно.

Работата, како што стои во огласот, може да се врши дома, но условот е кандидатот да мора да живее на северот на американскиот континент.

View this post on Instagram

A post shared by Candy Funhouse (@candyfunhouse)

Портпаролката на компанијата, Ванеса Јанакијевски-Ребело, објасни дека компанијата веќе има три лица кои тестираат бонбони и дека сега се бара шеф кој би имал „златен вкус“.

Задачата би била да се одобрат нови производи преку тестирање на бонбони. Во рок од две недели, повеќе од 100.000 луѓе одговориле на огласот.

„Повеќето од кандидатите се возрасни, но 25 отсто од нив се деца“, рече таа.

Заинтересираните можат да аплицираат до 31 август. Откако ќе се вработат, од компанијата наведуваат дека новиот CCO ќе помине низ обемна обука за непцето меѓу другите обуки за работното место.