Универзитетскиот професор Стево Пендаровски, поранешен претседателски советник, ќе биде кандидатот на опозициската СДСМ за претседател на државата, одлучи едногласно Извршниот одбор на СДСМ. Неговата кандидатура треба да биде верификувана од Централниот одбор и од партискиот конгрес на 4 март, на кој Пендаровски ќе биде единствен кандидат. До централата пристигнале 26 кандидатури, од кои 8 влегле во потесен круг.Пендаровски бил предложен од сите 76 општински организации на СДСМ, вели генералниот секретар на партијата Оливер Спасовски. Кандидатурата на Пендаровски, веројатно, ќе биде доставена до ДИК со поддршка од најмалку 30 пратеници, бидејќи на 2 март, два дена пред конгресот на СДСМ, истекува рокот за собирање 10 илјади граѓански потписи за учество на претседателските избори.