За прв пат после речиси една деценија Федералните резерви на САД ја зголемија основната каматна стапка. Централната банка сигнализираше дека темпото на следните зголемувања ќе биде "постепено" и во согласност со првичните прогнози. Федералната комисија за отворен пазар (ФКОП) едногласно ја зголеми каматата на федералните фондови за 0,25%, зголемувајки ги до ниво од 0,5%.

Прогнозата на американските високи банкари е за пораст на основната камата до 1,375% до крајот на 2016 година.

Тоа значи дека за следната година се поставени 4 зголемувања со четвртина поен, базирани на просечна прогноза на 17-те раководители на ФЕД.

"Комисијата истакна дека постои значително подобрување на условите на пазарот на труд во оваа година и е целосно уверена дека инфлацијата ќе се зголеми на среден рок, за да стигне до поставените како цел 2%", се вели во соопштението на ФКОП по 2 -дневна средба во Вашингтон.

Банката на федерални резерви објави дека ја зголемува каматата, „со оглед на економските перспективи, и признавајќи дека е дојден моментот за политички активности кои влијаат на идните економски резултати“.

Зголемувањето става крај на невиден период на рекордно ниски каматни стапки, кои беа дел од вонредни и доста контроверзни политики на ФЕД, наменети да ја стимулираат американската економија по крајот на катастрофалната финансиска криза од времето на Големата депресија.

ФКОП ја намали основната каматна стапка речиси до 0 во декември 2008 година, 3 месеци по колапсот на инвестициската банка Леман брадерс (чиј крах го означи почетокот на светската финансиска криза), и 10 месеци пред невработеност во САД да достигне рекордни 10%.

"Оваа акција признава значителниот напредок што беше постигнат во зголемувањето на вработеноста, на приходите и олеснување на економските тешкотии на милиони Американци", изјави претседателот на ФЕД Џенет .

Таа изјави дека е изненадена од новото намалување на цените на нафтата и изрази надеж дека ќе се стабилизираат, за да се зголеми инфлацијата во САД.