Oколу 70 хотели на Халкидики ставени се на продажба од почетокот на пандемијата, пренесува тамошната агенција „Никана“.

Цената на хотелите зависи од локацијата, капацитетот и годината на изградба на самиот хотел. 

Хотелот „Палини“ во Касандра има цена од точно 12 милиони евра. Тој исто така е постар хотел, но е и најголем на оваа листа со капацитет од 150 соби.

Во рангот на поскапите хотели спаѓа хотелот кој што се наоѓа на плажата Ханиоти и кој што е изграден во 1968-та година и има капацитет од 130 соби, а неговата цена е 11.7 милиони евра.

Хотел во Полихроно кој што е изграден во 1990-та година и има 41 соба, се продава за само 2.1 милион евра.

Следниот туристички објект се наоѓа во Никити, има 25 соби. Тој е поскап од претходниот хотел за еден милион евра.

Поради Ковид 19, оваа сезона во Грција ќе биде многу поразлична и со построги правила, кои туристите ќе мора да ги почитуваат. 

Балканците први ќе можат да отпатуваат во Грција.