Денес Регулаторната комисија за енергетика треба да ги соопшти новите малопродажни цени на бензините. Регулаторната комисија на секои две недели врши корекција на цените на нафтените деривати согласно промената на цените на суровата нафта на светските берзи. Последен пат, пред две недели цените паднаа за 4, 5 денари литар бензин, што беше добредојдено за граѓаните пред велигдеснките празници Дали ќе има нови зголемени цени, или пак намалени, ќе се знае во текот на денот но она што не оди во прилог на граѓаните е растечката цена на суровата нафта на светските берзи. . За само неколку дена нејзината цена се зголеми од 90 на 97 долари за барел. Со тоа е прекинат трендот на пад на цената на нафтата и на горивата. Цената на  нафтата американската „лесна“ нафта за испорака минатиот месец на светските берзи поевтини за 20 центи на 91,75 долари за барел, додека цената на европскиот „брент“ од Северното Море се намали за 37 центи на 110,48 долари за барел. Според „Бизнис Инсајдер“ скокот на цените на нафтата меѓу другото се должи на тензиите на Блискиот Исток.