Од полноќ ќе важат нови цени на горивата откако Регулаторната комисија за енергетика утврди нов ценовник со кој се опфатени само бензините, додека пак дизелот ќе продолжи да се продава по истата цена како и досега.

Согласно методологијата за пресметка на цените, од вечерва на полноќ малопродажните цени се зголемуваат во просек за 0.61%.

Преведено во цени, тоа значи дека цената на ЕУРОСУПЕР-95 ќе се зголеми за 1 денар, и еден литар од ова гориво ќе чини 63.50 денари. Цената на ЕУРОСУПЕР-98 ќе се зголеми за 0.5 денари, и еден литар 98-октанско гориво ќе чини 64.50 денари.

Цената на ЕУРОДИЗЕЛ горивото останува непроменета и еден литар дизел гориво ќе продолжи да чини 48 денари.

Новите цени стапуваат на сила вечерва на полноќ и ќе важат следните две седмици.