Од полноќ имаме нови повисоки цени на горивата
Горивата од полноќ поскапуваат.
Бензините поскапуваат за 2,5 денари за литар, а цената на дизелот се зголемува за три денар за литар, соопшти денеска Регулаторната комисија за енергетика и водни услуги (РКЕ). Новата малопродажна цена на ЕУРОСУПЕР БС-95 ќе биде 88,5 денари за литар, ЕУРОСУПЕР БС-98 ќе се продава за 90,5, а ЕУРОДИЗЕЛ (Д-Е V) за 90 денари за литар. Малопродажната цена на Екстра лесното масло за домаќинство (ЕЛ-1), ќе скокне за 2,5 денари за литар, и ќе чини 87,5 денари за литар. За 1,3 денари за килограм се зголемува и малопродажната цена на Мазутот М-1 НС и сега ќе се продава за 53,6 денари.
Цената на нафтата на светскиот пазар вчера повторно имаше раст, а еден барел достигна вредност од 107 долари, за разлика од завчерашниот ден кога чинеше 106 долари. Цената на нафтата на американскиот пазар се тргуваше за 105 долари.
Слично
Поврзани вести
