АД ЕСМ од денеска го продолжува загревањето на топланите „Исток“ и „Запад“ преку нов договор со „Макпетрол“ за набавка на природен гас за периодот од 1 до 15 ноември. Со новиот договор ќе работи и КОГЕЛ во подружница ЕСМ Енергетика за периодот 1 до 30 ноември. Во моментов тековите на берзата укажуваат на тоа дека поисплатливо е да се правата краткорочни, отколку долгорочни договори.

Од ЕСМ објавија дека се уште нема договор за тополнителна топлинска енергија со ТЕ-ТО но дека се очекува во наредните денови да биде постигнат и договор со гасната централа. Извесно е дека поради падот на цената на гасот и топлите температури нема да има потреба од барање на дополнителни количини на природен гас од Владата за потребите на ТЕ-ТО, туку ќе се склучи договор за откуп на топлинската енергија како нус-производ од тековниот режим на работење на постројката.

– Со оглед на тоа што приватната гасна електрана ТЕ-ТО има обезбедено гас за својот режим на работа за ноември, за неа не е извршена набавка од АД ЕСМ, информираа од ЕСМ.

Единствениот конкурент на „Макпетрол“ за набавка на природен гас, фирмата ПГО, инаку препорачана од опозицијата, известила дека не е во можност да почне да испорачува од 1 ноември, туку од 15 ноември, кога се очекува да аплицира со понуда за снабдување.

Како опоција останува и користењето на дизел гориво за двете топлани.