Согласно овие податоци, РКЕ донесе одлука со која се врши зголемување на малопродажните цени на нафтените деривати во просек за 6,88 отсто, во споредба со одлуката од 7 март. 

„Донесовме одлука со која ја намаливме трговската маржа за 33 отсто на сите трговци со нафтени деривати. Ова е единствен механизам кој на РКЕ му стои на располагање. И сега го активираме затоа што ова се вонредни услови, и мора сите да покажат солидарност. На овој начин, во крајната цена влијаеме делумно да се амортизира огромниот пораст. Дополнително олеснување врз притисокот на крајната цена ќе бидат и најавените измени во делот на ДДВ и акциза, кои апелираме побрзо да се донесат“, изјави Марко Бислимоски, претседател на Регулаторна комисија за енергетика и водни услуги. 

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 3,50 денари/литар, додека малопродажната цена на ЕУРОДИЗЕЛ (Д-Е V) се зголемува за 8,50 денари/литар. 

 Малопродажната цена на Екстра лесното масло за домаќинство (ЕЛ-1) се зголемува за 6,50 денари/литар. Малопродажната цена на Мазутот М-1 НС се зголемува за 4,846 денар/килограм и сега ќе изнесува 59,165 ден/кг. 

Па така, од денеска максималните цени на нафтените деривати изнесуваат: 

Моторен бензин ​​ЕУРОСУПЕР БС                  - 95​​​ 93,00 ​ (денари/литар) 

Моторен бензин​ ​ЕУРОСУПЕР БС                  - 98​​​ 95,00​ (денари/литар) 

Дизел гориво    ​​​ЕУРОДИЗЕЛ БС (Д-Е V)​​        - 94,00 ​ (денари/литар) 

Масло за горење  ​​Екстра лесно 1 (ЕЛ-1)​​        - 90,00​ (денари/литар) 

Мазут М-1 НС​​​​​​​​​​​​                                                   - 59,165​ (денари/килограм)