Поевтинуваат 165 лекови од денеска,  така што некои од нив граѓаните ќе можат да ги купат и по двојно пониска цена.

Се работи за антибиотици, лекови за третман на висок крвен притисок, депресија, леукемија, канцер. Дел од лековите се намалени повеќепати, а некои лекови се поевтинувани девет пати досега. Во земјава, во последните четири години лековите се намалуваат двапати годишно, вообичаено во март и во октомври.

„Вкупната заштеда само од ова намалување на цената на лековите е над 653.000 евра. Досега од сите овие осум претходно намалување на цените на лековите се заштедени над 33 милиони евра“- изјави министерот за здравство, Никола Тодоров.

Некои лекови се поевтини за 40, а некои и за 60%. За четири години поевтинија повеќе од 4.700 лекови. Заштедите се користат за инвестиции во здравствениот систем, додаваат надлежните.