Според новиот правилник, техничкиот преглед ќе трае 30 минути и ќе се внимава на секој детаљ.

Во Србија од 5- јули стапува во сила законот според кој автомобилите нема да поминат технички преглед доколку бришачите не работат или доколку автомобилот е валкан.

Истото важи и за возилата кои имаат пукнато стакло поголемо од 10 сантиметри, механички оштетувања, неисправни кочници, волан и светла, некомплетна опрема или ако сопственикот не поседува потврда за сите поправки.

Голем дел од правилата постоеја и порано, но во пракса не се применуваа. Но, со новиот закон се предвидуваат строги и ригорозни контроли, според кои техничкиот преглед ќе може да го поминат само исправни автомобили.