Обвинителството ќе ја деблокира сметката на ,,Макпетрол”, но ќе го следи нејзиното работење
Од јавното обвинителство информираат дека дошле до дополнителни докази за компанијата ,,Макпетрол'', со кои заклучиле дека потребно е да се ослободи сметката на фирмата, објави Утрински весник.
Од таму велат дека е потребно да се обезбеди непречено работење на компанијата поради тоа што ,,Макпетрол" има обврски за снабдување со енергенси на други субјекти, но и поради тоа што во трети правни лица, оваа компанија се јавува како единствен содружник и извор на финансиски средства за нивното работење.
Од Обвинителството посочија дека и покрај одмрзнувањето на сметката, тие ќе продолжат да го надгледуваат работењето на „Макпетрол“ и на „Оилко КДА“.
Инаку, во случајот на „Макпетрол“, МВР минатата недела поднесе кривична пријава за 21 лице. Тие се осомничени за злоупотреба на службената положба и овластување, односно за незаконско прелевање на капитал од „Макпетрол“ во Командитното друштво „Оилко КДА“.
Слично
Поврзани вести
