OБСЕ преку мисијата во Скопје, го поздрави вчерашното усвојување на извештајот на Државната изборна комисија и испрати порака дека прочистувањето на избирачкиот список е клучен предуслов за веродостојни избори. Направени се некои позитивни чекори, но списокот мора да се прочисти за кредибилни избори, велат од ОБСЕ. „ДИК активно работи во завршување на вкрстените проверки, а позитивен е и нејзиниот систематски пристап во прочистување на списокот. Мислиме дека сè уште има време ефективно да се решат отворените прашања, за да може претстојните избори да бидат подобри од претходните“- стои во соопштението од ОБСЕ. ОДИХР ќе оцени дали  изборите  ќе бидат веродостојни, откако ќе се реализираат.