На седницата на Претседателството на СНС требаше да биде соопштено името на мандатарот на новата влада, но таа беше одложена за неколку дена. По седницата, Вучиќ објасни колку е тешка оваа одлука, а потоа зборуваше за соработката на некои функционери на СНС со режимските медиуми, по принципот - дајте ми убава слика, јас ви давам работа.

„Изборот на мандатар не е лесна работа, не е лесна работа ниту за мене. Решив да пресечам, и тоа им го кажав вечерва, бидејќи знам колку проблеми не очекуваат и затоа што би сакал да побрзаме со формирањето на владата. Затоа што би сакал да видам нова енергија во многу министерства, затоа што би сакал да видам и многу нови луѓе. Затоа што би сакал да видам нова крв, нова енергија, нови страсти, но не страсти како повеќе да ви се додворат на вас новинарите, туку како ќе направат големи работи што ќе останат зад нив и за кои ќе се зборува за 10 години. Не да се натпреваруваат по број на ПР тимови кои вам новинарите ќе ви се обраќаат со зборовите „објавете убава слика од мене, и нападнете го мојот колега од власта или овој другиот“. За тоа ќе ви помогнам да добиете некој бизнис. Зборувам за тие што се наводно со државата“, рече Вучиќ и додаде:

„Значи, тоа е она што сакам да го видам и затоа сакам да го пресечам, инаку веројатно не би одложувал понатаму. Зборував за ова со Милош и Ана, разговарав со нив лице в лице и им кажав се што мислам и што е, а што не. И тие знаат колку ги сакам, јас сум многу искрен за тоа, како што бев искрен со некои други на кои им кажав зошто не можеш да бидеш премиер и зошто не можеш да бидеш не знам што. Тоа го кажав пред 100 луѓе овде. Нечија работа мора да се почитува, нечија дисциплина мора да се почитува, одговорност, љубов кон земјата, почит кон оваа земја, достапност 24 часа на ден. А не јас, кога ќе викнам пет министри, два дена не можам да ги добијам. Тогаш се прашувам, а што би било ако ти дојде обичниот човек. Како може некој да дојде кај тебе? И не е како да се занимавате со Косово, регионот, не е како да се занимавате со сите проблеми на овој свет. Но, кога борбата е за ротација, тоа е голема борба“, заклучи Вучиќ.

Извор: Нова.рс

Фото: Принтскрин Тањуг