Познато е кои се највлијателните муслимани во светот. 

Десетта годишна листа „500 највлијателни муслимани“, за 2019 година, ја објави Кралскиот исламски центар за стратешки истражувања (Royal Islamic Strategic Studies Centre), со седиште во Јордан.

Претседателот на Турција,  Реџеп Таип Ердоган, е на врвот од листата на највлијателни муслимани од целиот свет, a на втората позиција е саудискиот крал, Салман Бин Абдулазиз Ал-Сауд. 

Трет е јорданскиот крал Абдула Втори, објави новинската агенција „Анадолија“.

Се наведува дека Ердоган во август 2014. година стана првиот директно избран претседател во својата земја. Вториот мандат го освоил со победа во првиот круг.

„Турција постигна невиден економски раст, воведе уставни промени и повторно се етаблираше како една од главните светски сили“, се вели во соопштението, со појаснување зошто Ердоган е прв.

Турција под водство на Ердоган се фокусира на зајакнување на односите и соработката со земјите на сите седум континенти, а особено со соседите, вклучувајќи ја и Грција.

Во изданијата на листата 500 за највлијателни муслимани во светот за 2016. и 2017. година Ердоган го држеше осмото место, а во 2018. беше петти. 

На 39. место во 2009 година на листата се најде водачот на исламската верска заедница во Босна и Херцеговина, Мустафа Цериќ, кој е означен како ѕвезда патоказ за исламот во Европа и водечка личност во БиХ".