Обилни врнежи од дожд и грмежи попладнево ја зафатија околината на Кичево.

Врне во повеќе делови на Македонија, а дождот се очекува вечерва да го зафати и Скопје. „Во скоро време со поинтензивен пороен дожд и грмежи ќе биде зафатен и Прилеп, нестабилноста се приближува од југ“ - стои во извештајот на УХМР. Од УХМР велат дека цела западна Македонија и крајниот исток се зафатени со чести електрични празнења, а на овој простор има поголем број облачни јадра од кои според интензитет може да се каже дека има повремен пороен дожд. Над Огражден, во Малешевијата и на југозапад, малку посеверно од Охрид има посилна облачност од која се веројатни врнежи од град.

При електрични празнења граѓаните не треба да стојат на отворено или да се засолнуваат под дрвја.