Ако за три дена не биде ослободен Љубе Бошкоски, генералниот секретар на Обединети за Македонија, Раде Милососки најави радикални протести.

Од партијата за порадикалните протести  ќе ги информираат  меѓународната заедница и домашната јавност. Велат дека трпението на членството и поддржувачите на Обединети за Македонија е при крај и ако не биде потпишано решението за ослободување на Бошкоски, тие ќе поднесат кривична пријава против диекторот на затворот, Живко Пејковски за продолжена тортура која е политички мотивирана.

„Од ова место испраќаме јасна порака до директорот на затворот, Живко Пејковски веднаш и без одлагање да го потпише решението за ослободување на Љубе Бошкоски, кој незаконски и без основ го држи во заточеништво повеќе од три недели“-вели тој.

Должност на партијата е да продолжат со одбрана од неправдата, противзаконското киднапирање и држење во петгодишно заточеништво во македонските зандани на Љубе Бошкоски, додаваат од Обединети за Македонија.