Новoизбраниот српски патријарх Порфириј Периќ досега беше загребско-љубљански митрополит.

Замонашен во Високи Дечани во 1985 година, Порфирије е избран за митрополит на Загреб и Љубљана во мај 2014 година, и оттогаш се бори за подобрување на положбата на Србите во Хрватска и другите земји во регионот.

Тој беше препознаен како прв фаворит на српскиот претседател Александар Вучиќ. Порфириј е дел од редот на млади епископи во СПЦ, роден е на 22 јули, 1961 година, а после основното и средно образование, дипломирал на Православниот богословски факултет во 1986 година. Неговиот духовен татко е Иринеј Буловиќ кој исто така се најде меѓу тројцата кандидати за патријарх. Тој бил претседател и член на Советот на Републичката радиодифузна агенција во Србија. Од 2010 до  2011 година, Порфириј бил воен епископ, а потоа и координатор за соработка меѓу СПЦ и српската војска. Тој зборува англиски, германски, грчки и руски јазик.