Српски новинари влегоа во расправија за тоа дали нивниот претседател Александар Вучиќ треба да се тестира откако неговиот син се покажа дека е позитивен на Ковид 19. 

Станува збор за новинарите од ТВ Пинк и Н1. 

Новинарите од Н1 велат дека Вучиќ мора да се тестира и да ги почитува мерките кои важат за сите граѓани. 

Но, нивните колеги од ТВ Пинк ги обвиниле нив дека сакаат Вучиќ да биде изолиран.

Вучиќ подоцна рече дека ако е потребно ќе се тестира. 

Од новинарот на Н1 бара да не покажува лицемерна грижа за неговото здравје, кога не знае дали имал ризични контакти. 

Тој го обвини новинарот дека е на линија на неговите политички противници кои, како што рече, уште на почетокот на март тврделе дека е готов и дека популарноста му опаѓа. 

„Нема проблем, кажете: Ни пречиш што си жив и во ред е, тоа го разбирам. Но немојте да истакнувате контрадикторни работи како аргументи, затоа што ги нема и немојте да ги прашувате лекарите за мене, туку прашајте ме мене. И немојте да кажувате дека ви е важно да ги слушате лекарите, туку дека доаѓате да ги прашате само зошто Вучиќ е ваков или онаков. Дојдете прашајте ме мене, јас ќе ви одговорам, мене не можете да ме победите со аргументи и факти“, изјави Вучиќ во Ниш. 

Тврди дека коронавирусот не може да го победи. 

Неговиот син е заразен. 

Тој е задржан на Инфективна клиника. 

Вучиќ вчера објави дека неговиот првенец Данило е во заболен.