Со нова програма за категоризација на туристичко-сместувачките капацитети, Дојран ќе го решава проблемот со нелојалната конкуренција во туристичката сезона. Освен ваквата одлука на Советот на општината, беше решено и дека треба да се изработи локален урбанистички план за изградба на мини хидро централа на системот Дојранско Езеро за која, според информации од општината, веќе е склучен договор со инвеститор.

Новоизбраниот општински совет на Дојран донесе одлуки и за почнување постапка за проценка на целокупниот недвижен имот и за измена и дополнување на програмата за градежно земјиште, а ја почна и постапката за утврдување нацрт-урбанистички план за Граничниот премин Дојран.