Од ноќеска на полноќ нафтените деривати ќе се точат по нови зголемени цени.

Регулаторното тело денеска одлучи бензините да ги зголеми за половина денар, а дизелот за еден денар.

Имено, малопродажните цени на ЕУРОСУПЕР БС-95 и на ЕУРОСУПЕР БС-98 се зголемуваат за 0,50 ден/лит и ќе ги точите за 62,50 ден/лит, односно 64,50 ден/лит.

Екстра лесното масло за домаќинство во следните две седмици ќе чини 38,50 ден/лит, додека  ЕУРОДИЗЕЛ (Д-Е V) ќе се точи по 50,00 ден/лит.

Малопродажната цена на мазутот М-1 НС се зголемува за 0,221 денари за килограм и ќе 20,122 денари за килограм.

Овие зголемени цени доаѓаат како резултат за 2,45 отсто повисоката просечна цена на сурова нафта на светскиот пазар во изминатите 14 дена и за 0,595 отсто повисокиот курс на доларот во однос на денарот.

 Новите цени стапуваат на сила на полноќ при што ќе се задржат во следните две седмици.