Од ноќеска на полноќ нафтените деривати ќе се точат по нови цени.

Според денешната одлука на Регулаторната комисија за енергетика, бензинот поскапува за половина денар и за денар додека цената на дизелот останува иста.

Тоа значи дека цената на ЕУРОСУПЕР БС-95 изнесува 62,00 ден/лит, додека малопродажната цена на ЕУРОСУПЕР БС-98 изнесува 63,50 ден/лит.

Малопродажните цени на ЕУРОДИЗЕЛ (Д-Е V) и Екстра лесното масло за домаќинство (ЕЛ-1), не се менуваат и со тоа малопродажната цена на ЕУРОДИЗЕЛ (Д-Е V) изнесува 44,00 ден/лит, додека малопродажната цена на Екстра лесното масло за домаќинство (ЕЛ-1) изнесува 32,50 ден/лит.

Малопродажната цена на мазутот М-1 НС се зголемува за 0,703 денари за килограм и ќе изнесува 16,931 денари. Овие цени ќе важат во следните две недели.

Нафтата на свeтските пазари пак денеска падна откако вчера светските нафташи не успеаја во Доха да се договорат за замрзнување на производството на нафта.