Секретаријатот за цивилна заштита на Грција предупредува за зголемена опасност од нови пожари, откако соопштија дека делумно се ставени под контрола пожарите на островите Андрос и Закинтос.

Во гаснењето во селата Килиоменос и Махерадо во Заклинтос учествуваат 10 пожарникари со пет возила, еден канадер, два авиона и еден хеликоптер.

Како што соопштуваат од грчката противпожарна служба, пожарот во областа Амолохос на грчкиот остров Андрос е ставен делумно под контрола и во гаснењето учествуваат осум пожарникари со четири возила и два авиона.

Во изминатите 24 часа грчката противпожарна служба интервенирала за гаснење на 32 шумски пожари. 

„Генералниот секретаријат за цивилна заштита им препорачува на граѓаните да бидат особено внимателни и да избегнуваат активности на отворено кои може да предизвикаат пожари, како што е фрлање на запалени цигари, палење сува трева и гранки или остатоци од чистење, употреба на машини пто создаваат искри, како што се пили, апарати за заварување, употреба на скари и сл,“ соопштуваат од секретаријатот за цивилна заштита во препораките до граѓаните за избегнување пожари.