Цените на горивата од полноќ поскапуваат за половина денар, одлучи Регулаторната комисија за енергетика. Согласно нивната методологија за пресметка, малопродажните цени на горивата се зголемуваат во просек за 0.93 проценти. Според одлуката, новата цена Еуросупер БС-95 ќе изнесува 78 денари за литар, Еуросупер БС-98 ќе чини 79,50 денари за литар, а Еуродизелот ќе се точи по цена од 69 денари за литар. Поскапува и Екстра лесното масло за домаќинства и новата цена ќе изнесува 58 денари за литар. Мазутот поскапува за 0,702 денари за килограм и новата цена ќе изнесува 40,086 денари за килограм. Новите цени на горивата стапуваат на сила на полноќ и ќе важат две недели.