Американските фирми за платежни картички Visa Inc (V.N) и Mastercard Inc блокираа повеќе руски финансиски институции од нивната мрежа, почитувајќи ги владините санкции воведени поради инвазијата на Москва на Украина.

„Виза“ во понеделникот соопшти дека презема брза акција за да обезбеди усогласеност со важечките санкции, додавајќи дека ќе донира 2 милиони долари за хуманитарна помош. Mastercard исто така вети дека ќе даде донација од толкава сума.

„Ќе продолжиме да работиме со регулаторите во наредните денови за целосно да се придржуваме до нашите обврски за усогласеност“, изјавија од Mastercard.

Владините санкции бараат од Visa да го суспендира пристапот до својата мрежа за субјектите наведени како специјално назначени државјани, изјави извор запознаен со ова прашање за Ројтерс. Соединетите Американски Држави додадоа различни руски финансиски фирми на листата, вклучувајќи ја централната банка на земјата и вториот по големина кредитор VTB (VTBR.MM).