Владата догодина има намера да потроши ооколу 150 илјади евра за да го реализира најавениот проект - бесплатен туристички викенд за пензионери. Огласот на Министерството за труд и социјална политика веќе е објавен на електронскиот систен на Бирото за јавни набавки. Проектот е наречен „Хотелско-угостителски услуги за реализација на проектот за бесплатен туристички викенд на пензионери за 2015 година“ и според проценките на ресорното Министерство, за негова реализација ќе бидат потребни 9 милиони денари без вклучен ДДВ. Викенд-дестинацијата на која ќе се шетаат пензионерите засега не е позната. Овој проект беше дел од предизборните ветувања на ВМРО-ДПМНЕ на последните парламентарни избори. Освен ова, пензионерите еднаш годишно користат бесплатни бањски услуги, а имаат и бесплатни денови за користење на јавниот градски превоз во Скопје четири дена неделно и на железничкиот превоз низ Македонија секој втор викенд. Меѓу бенефициите за пензионери е и бесплатна ски-карта во ски центрите низ Македонија.