Најмалку 22 лица, од кои 13 деца, загинаа при обид да стигнат до грчките острови во рамките на вториот за оваа недела голем инцидент предизвикан од тонење на брод со мигранти.

Потонувањето на бродот се случил во текот на ноќта во близина на островите Родос и Калимнос.

Во исто време шпанските власти продолжуваат да трагаат по 35 мигранти кои се водат за исчезнати по потонувањето на брод, во морето од Мароко кон Шпанија. Досега се пронајдени само осум тела.

Грчкиот премиер пак изрази „бескрајна жалост“ за новите трагедии на мигранти во Егејското море, истакнувајќи дека западните медиуми кои учествуваат во воени интервенции на Блискиот исток ја сносат одговорноста за масовниот прилив на мигранти.

Ципрас ја обвини ЕУ дека не е способна ефикасно да ја решава хуманитарната криза и додава дека смртта на мигрантите ја срами Европа.