Нов протест против пресудата за петкратното убиство кај Смиљковското Езеро, но и против пресудите за насилните демонстрации минатиот месец, започнаа попладнево во Скопје, во близина на трговскиот центар „Мавровка“. Полицијата не им дозволи на демонстрантите да продолжат кон зградата на Владата. Тие на ова реагираа со тврдење дека протестот уредно го најавиле, па побараа барем неколкумина да одат до Владата за да ги достават своите барања. На протестите извикуваат пароли против премиерот Никола Груевски и против лидерот на ДУИ Али Ахмети. Демонстрантите денеска протестираат против пресудата за случајот „Монструм“, но и против пресудата за шестмината демонстранти кои поради учество во протести се осудени на три години максимална казна – затвор. http://www.youtube.com/watch?v=1H21td3vyGE ФОТО и ВИДЕО: Алмакос