Услужната Комора во рамки на Сојузот на стопански комори на  редовно годишно Собрание за нов претседател ја избраа ѓ-ѓа Данела Арсовска, ѓенерален менаџер на „Ројал Груп“, компанија членка на ССК од основањето на комората. -Како повеќегодишен член на комората и како стопанственик, свесна сум за големата одговорност која ми ја дадоа колегите. Се надевам дека успешно и со засилено темпо ќе ја продолжам работата на досегашниот претседател. Продолжуваме со работните состаноци со државните институции, нашите Управни одбори, како и вмрежување на сегашните, но и на новите членки кои сакаат да станат дел од Услужната комора. Особено значајно е да придонесеме во зголемувањето на извозот на услугите преку активности за подобрување на нивниот квалитет, како и нивна поголема национална и интернационална промоција, изјави Арсовска. Досегашниот претседател на Услужна Комора г-дин Михајло Евросимовски на новата претседателка и посака успех во работата, внесување новини во коморското организирање и  позасилено темпо на дејствување.  Евросимови, ја вршеше оваа функција од 11.11. 2009 до вчерашното истекувањето на неговиот мандат.  Услужна Комора во ССК функционира од 2004 година и е најголема комора со над 250 членки.