Нов анекс за „Бетон“, „Филип втори“ стаса до фантастични 67 милиони евра
Акционерското друштво за стопанисување со станбен и деловен простор потпиша уште еден анекс на основниот договор со градежната компанија „Бетон“ за доградба на стадионот „Филип Втори“. На компанијата ќе и бидат исплатени дополнителни 900.000 евра изведба на градежни и занатски работи на трибините, за систем за наводнување на тревата и за борилиштата и за дренажа, како и за набавка на машини за одржување на тревната површина.
Ова годинава е втор анекс. Во јуни на „Бетон“ со непосредна спогодба и беа доделени и 1,5 милиони евра за изведба на атлетските патеки и останатите борилишта, согласно критериумите на светската атлетска федерација.
Со овие два анкеси и претходните два, што беа потпишани лани, изградбата на источната и западната трибина и реновирањето на терените, досега чинат фантастични 67 милиони евра.
Слично
Поврзани вести
