Од државјанство на БиХ лани се откажале 3.138 луѓе. 

Повеќето откажувања од државјанството на БиХ беа во корист на Австрија, Црна Гора, Холандија, Хрватска, Србија, Лихтенштајн, Норвешка, САД, Словенија, Шведска и Швајцарија.

Трендот на откажување од државјанството на БиХ продолжи и минатата година, имајќи предвид дека од книгата на државјави на БиХ се отпишани 3.138 лица, пишува „Независне новине“.

Во исто време, само 557 лица се стекнаа со државјанство на БиХ во 2020 година, или 100 помалку отколку во 2019 година.

„БиХ е земја од која заминува. Од крајот на војната, повеќе од 527.000 луѓе заминаа одовде и не се вратија, па голем број од нив бараат откажување од државјанство”, изјави за весникот демографот Стево Пашалиќ.

Тој посочи дека на Германија и биле потребни околу 1,2 милиони работници пред епидемијата на коронавирусот, но дека по епидемијата ќе и требаат два милиони работници и дека трендот на заминување ќе продолжи низ целиот Западен Балкан.

Од воените години до 2019 година, 88.163 граѓани се откажале од босанско државјанство. 

foto Nezavisne novine