Во Горски Котар, Лика и дел од северозападна Хрватска паѓа снег. На поединечни патишта во Горски Котар и Лика владеат зимски услови, додека во приморските делови дува силен ветер, поради што се воведени забрани за одредени категории возила.

Во моментов нема слободен патен правец за камиони со приколки и влечни возила со полуприколки од правецот на внатрешноста кон Хрватското приморје или Истра, и обратно, поради зимските услови на автопатот А6 Риека–Загреб и државниот пат ДЦ3.

Поради зимските услови, меѓу јазлите Босилјево 2 и Киковица е воведена забрана за сообраќај за моторни возила кои немаат пропишана зимска опрема, како и за товарни возила со приклучно возило. Возилата на кои се однесува забраната се исклучуваат на одморалиштето Вукова Горица во правец кон Риека и пред јазолот Киковица во правец кон Загреб.

Во тек е чистење и посипување на коловозите, а на поединечни патишта сообраќајот се одвива забавено поради возила на зимската служба кои се движат побавно.

Најавената промена на времето се очекува вечерва да пристигне и во Македонија.