Според владината одлука од сабота, нема повеќе ограничувања за бројот на луѓе во трговските центри, угостителските објекти и какви било настани.

Словенија денеска ги укина речиси сите анти ковид -мерки, освен носењето маски и миењето раце во затворени простории.

Доказ за ковид, вакцинација или негативен тест ќе се бара само во здравствени установи, старечки домови и затвори.

Според владината одлука од сабота, нема повеќе ограничувања за бројот на луѓе во трговските центри, угостителските објекти и какви било настани, додека отстранети се и ограничувањата на работното време во угостителските објекти, а ноќните клубови може повторно да се отворат.

Од гостите кои немаат место за седење ќе се бара да носат маски и да одржуваат хигиена на рацете.

Се препорачува носење маски на отворено кога растојанието од 1,5 метри не може да се исполни.

Ковид пропусници и негативниот тест остануваат задолжителни за персоналот во здравствените установи, затворите и воспитно-поправните установи за малолетници помлади од 15 години.

Учениците и студентите нема да мора да прават самотестирање во образовните институции, но маските остануваат задолжителни.