Денеска цените на суровата нафта остануваат на најниските нивоа од почетокот на 2009 година, откако производството на Блискиот Исток продолжува да се зголемува и покрај веќе огромната глобална презаситеност.

Аналитичарите, прогнозираат дека шансите за раст на цените до крајот на годината и за почетокот на 2016 година остануваат слаби.

Американската лесна нафта (WTI) за испорака во јануари поефтинила 22 центи на 36,54 долари за барел, а сировата нафта од типот „брент“ за 25 центи на 39,48 долари, исто така за јануарски испораки, што се најниски нивоа од почетокот на 2009 и периодот на финансиската криза.

ОПЕК објави дека вкупното производство на неговите членки во ноември пораснало за 230.100 барели дневно, но 31,7 милиони, што  е највисоко ниво за последните три години, и над предвиденито обем на производство на ОПЕК од 30 милиони барели.

Оваа група минатата недела одлучи да не го намалува актуелно високото производство, и покрај падот на цената на нафтата, слабата глобална побарувачка и прекумерни залихи.

„Цените на сировата нафта пак паднаа, бидејќи скокот на производството на ОПЕК е на тригодишен максимум во ноември, ја зголеми загриженоста дека презаситеноста на глобалниот пазар ќе потрае подолг период“, изјавил пазарниот стратег на компанијата IG markets од Сингапур, Бернард О.