Поради недостиг на храна и бензин во Шри Ланка имаше немири и е воведен полициски час. Земјата се соочува со економска криза каква немало со децении. 

Претседателот Готабаја Раџапакса вчера воведе вонредна состојба. Полицискиот час ќе трае од 18 часот до понеделник, 4 април, во 06 часот. 

Шри Ланка има криза на девизниот пазар, што доведе до девалвација, што влијаеше на плаќањата за увоз на критични стоки, како што се храна, лекови и гориво. Луѓето се загрижени за способноста на државата да ги отплати меѓународните долгови.

Индија минатиот месец се согласи да и додели заем од милијарда долари на Шри Ланка за да го намали недостигот на основни производи, вклучително гориво, храна и лекови.