Грција е најбрзо растечки пазар на недвижности во Европа во јули, покажува месечниот пласман на онлајн порталот themovechannel.com. Земјата се искачува со четири позиции во рангирањето до 12-то место, а собира речиси 1,3% од испитаниците во минатиот месец во однос на 0,8% во јуни. Прашањето за имот во Грција на порталот се зголемува за втор последователен месец покрај загриженоста околу финансиската ситуација во земјата. Државата привлекува купувачи, особено од Велика Британија, поради поволниот курс на фунтата во однос на еврото, атрактивните цени на имотот, климата и начинот на живот во целина. Така во јули интересот го достигна својот врв за годината. Најпопуларната дестинација останува Шпанија, а собира 9,36% од испитаниците во јули во однос на 6,7% во јуни. Франција, која минатиот месец постигна рекордно слабо претставување во рангирањето, се враќа во топ 10 со малку над 3 отсто од анкетираните. Интересот за Португалија е речиси константен, а кон Италија забележува исклучително силен раст. Во јули Британците ги надминаа Американците како најголема група купувачи на имот во Италија. Просечната цена која тие ја плаќаат за домување во земјата, достигна 308 илјади евра поради зголемениот раст на побарувачката за имот во највисоката категорија на пазарот повторно поради поволниот курс на фунтата. Најмногу за имот во Италија трошат купувачите од Германија - во просек 450 илјади евра, проследено со Французите - 370 илјади евра, и Американците - 335 илјади евра. Приливот на купувачи на недвижности во Европа предизвикува пад на побарувачката на други пазари, вклучувајќи ги Австралија, Тајланд и Кајманските Острови, кои секогаш беа присутни меѓу најомилените дестинации за инвестиции во имотите за одмор. Сепак Бразил и Канада ги задржуваат своите позиции од претходниот месец - односно петтото и трето. Обработка: К.К. Извор: themovechannel.com.