Силиконската долина, како и Вол Стрит ги зафаќа нов тренд на започнување на работниот ден премногу рано, дури во 4 часот наутро кога речиси сите спијат освен тие што се журкаат до зори. Бројни менаџери и извршни директори како Тим Кук, Ричард Бренсон Дејвид Куш и многу други стануваат околу 4 часот наутро и се пионери на популарно наречената „вампирска“ смена. Во тој период може најмногу да се фокусираат и да завршат голем дел од работните обврски бидејќи имаат неколку часа додека не се разбудат нивните деца со вообичаната процедура за спремање за градинка или училиште, колегите не им пишуваат пораки, а нема ни што да се види на социјалните мрежи. Питер Шенкман, менаџер од Њујорк вели дека „вампирската“ смена има предности и недостатоци. За да се стане толку рано треба и порано да се заспие што ќе ви одземе многу дружби со блиските и пријателите како и ноќна забава, но со оваа навика нема ни да помислите навечер да се опуштите со неколку чашки алкохол. Опра Винфри и Аријана Хафингтон раното утро го користат за медитација од половина час, а потоа со целосна енергија го започнуваат денот и сите можни стресни ситуации. Што мислите вие за овој американски бизнис тренд кој веќе го применуваат и многу политичари.