Група мажи силувале Британка во хотел на островот Родос во Грција. 

Се споменува дека групата броела пет до осум мажи.  Жената (31) рекла дека таа и нејзините пријатели ги запознале мажите од Белгија во ноќен клуб во приморското одморалиште Фалираки. Кажала дека мажите на возраст меѓу 30 и 35 години потоа ја однеле неа и нејзините пријатели во нивната хотелска соба во Фалираки. Британката ѝ рекла на полицијата дека имала секс со еден од мажите на балконот од хотелот и во собата, пишува локалниот весник „Димократики“.  Жената тврдела дека група мажи потоа ја нападнале и групно ја силувале. На полицијата ѝ рекла дека побегнала од хотелот и со такси се вратила до местото каде што престојувала. Полицијата уапси четворица Белгијци, на возраст од 31, 31, 32 и 35 години. Британката ги идентификувала сите четворица мажи како нејзини наводни силувачи. Инспекторите зеле примероци на ДНК од четворицата мажи. По другите осомничени има потрага.