Неизвршна членка на Одборот на директори на Раде Кончар Апаратна техника Скопје купи акции од компнијата.

За оваа вест извести компанијата преку Македонската берза.

Како што информираа, неизвршната членка Киријас Џорлева, купила 810 обични акции на ова акционерско друштво. 

„Согласно Глава 6 од Правилата за котација, известуваме за следната ценовно чувствителна информација:

Ве известуваме дека Корина Киријас Џалева, неизвршен член на Одборот на директори на АД Раде Кончар-Апаратна техника-Скопје, се стекна со 810 обични акции издадени од АД Раде Кончар-Апаратна техника-Скопје, преку Македонска берза“, известува компанијата во својата ценовно чувствителна информација.

Кога одреден член на Одборот на директори на одредена компанија купува акции од неа, тоа значи дека тој има доверба во работењето на таа компанија и во резултатите што се очекува дека таа ќе ги оствари.