Државната изборна комисија за неколку дена ќе ја почне теренската проверка на 100.436 записи, кои произлегоа од вкрстената проверка на податоците за прочистувањето на избирачкиот список. Теренската проверка ќе ја реализираат 374 овластени анкетари, а нивни контролори ќе бидат раководителите на подрачните единици на ДИК. Набљудување на целиот процес ќе можат да прават претставници на четирите најголеми политички партии во земјава. ДИК објави дека ќе реализира медиумска кампања „Отворени врати“ и ги повика граѓаните да учествуваат во процесот за прочистување на гласачкиот список.