Како што пренесуваат хрватските медиуми од тамошниот пазар се повлекуваат производи од групата тестенини поради претпазливост. Повлекувањето се однесува на производи со рок на траење до 12 март 2026 година и број на серија L:250312, а на купувачите им се советува да го вратат производот со сметката или да ја контактираат компанијата преку е-пошта.

- Ledo plus d.o.o. Загреб доброволно и како мерка на претпазливост го повлече својот производ „Њоки Премиум“ од 500 грама поради можно присуство на метални фрагменти во содржината - објави Државниот инспекторат во петок.

Повлекувањето се однесува само на њоки со рок на траење до 12 март 2026 година и број на серија на производство (L:250312), кои се јасно означени на задната страна од пакувањето.

Како што пишуваат тамошните медиуми, њоките се произведуваат од Frikom d.o.o. и се продаваат од Ledo plus d.o.o.

Причината за повлекувањето е потенцијалното присуство на туѓо тело од метално потекло. Преземени се сите потребни превентивни мерки и дополнителни безбедносни проверки за да се утврдат сите околности и да се спречи повторување на слична ситуација, објави Ледо.

Тие ги повикаа сите клиенти кои го купиле производот од серијата L:250312 со рок на траење од 12 март 2026 година да не го консумираат и да го вратат во продавницата каде што го купиле, со важечка сметка или да ги контактираат преку е-пошта на ledo@ledo.hr, со фотографија од производот на која јасно се гледа серијата на производство и датумот на истекување.

Производот не е во согласност со Регулативата за утврдување на општите принципи и барања на законодавството за храна, со која се основа Европскиот орган за безбедност на храната и се утврдуваат процедури во областа на безбедноста на храната, се вели во соопштението.