Дополнителниот заменик министер за финансии Кире Наумов по повод денешното задолжување на државата реагираше укажувајќи на фактот дека со денешната аукција на државни хартии од вредност јавниот долг доби нов рекорд

Имено, долгот што граѓаните ќе треба да го враќаат сега изнесува 4 милијарди и 300 милиони евра.

„Со само 4 одржани аукции на државни хартии од вредност, над 15% од дефицитот за 2016 година е веќе реализиран.

На денешната аукција министерот Ставрески запиша 15.627 милиони евра, а за враќање доспеваа само 7.07 милиони евра, односно запиша 8.56 милиони евра нов нето долг“, вели Наумов.

И каматните стапки на дел од запишаните хартии од вредност се повисоки од претходно одржаните аукции.

Наумов го прозва Управниот суд на РМ да се произнесе по тужбата која тој ја поднесе  на 22 декември 2015, против одлуката на Државната изборна комисија, посочувајќои дека неконтролираното задолжување на товар на граѓаните и идните генерации, единствено во функција на предизборниот период, мора да престане.