Во Хрватска наскоро треба да започне слободна продажба на медицински канабис.

Канабисот ќе се увезува од Канада и ќе се продава во вид на капсули. Луѓето ќе можат да го набават само со рецепт од лекар. Експертите објаснуваат дека канабисот може само да ги олесни симптомите на болеста, но не и да лекува, така што тој нема да биде вклучен во списокот на листата на фондот за здравствено осигурување, и пациентите ќе треба да го плаќаат сами.

Според неофицијални информации на хрватскиот весник „Дневник“, цената на канабисот за месечна терапија може да биде меѓу 200 и 270 евра. Засега во Хрватска медицински канабис можат да добијат само пациенти со мултиплекс склероза, карцином и СИДА.

Медицинскиот канабис беше легализиран во Хрватска, за да се заштитат пациентите од нелегалната продажба на канабис, кој често е со сомнителен квалитет.