Бугарија до 20 март ќе ги укине ковид ограничувањата. 

Зелениот сертификат ќе остане единствениот документ што ќе важи во европската регулатива за патување.

„Бугарија влегува во втора и трета фаза од пандемијата, а се очекува земјата за краток период да стигне до првата фаза, што значи дека наскоро цела Бугарија ќе биде во зелената зона“, изјави премиерот Кирил Петков.

Од 24 февруари, првиот чекор е секој објект во Бугарија да дозволи влез за лица без зелен сертификат, но за вработените ќе остане условот да го поседуваат. Во  училиштата ќе биде дозволено да учат до 12 деца.

„Следниот битен датум е 5 март – доколку дотогаш работите се развиваат позитивно, посети без зелен сертификат ќе бидат можни на активности и услуги во објекти од јавен интерес“, изјави Ангел Кунчев.

Многу европски земји ги олеснуваат мерките. Италија се отвора за туристите. Италијанската влада одлучи да го укине карантинот, да не ја продолжува обврската за користење на зелени пропусници и вонредната состојба и дека некаде кон половината од април ќе дозволи влез на странски туристи во земјата, пишува Кориере дела Сера.