Околу 400 жители на Егзархија, населба во центарот на Атина, напишале писмо до грчките власти да ги заштитат од широко распространетото беззаконие и влошување на условите за живот во заедницата која важи за традиционален бастион на грчките анархисти, објави Катимерини.

Писмото доаѓа по насилните судири во областа меѓу младите демонстранти и полицијата на одбележувањето на годишнината од студентските протести во 1973 година против воената хунта, како и немирите кои избија минатиот месец по повод 10-годишнината од убиството на тинејџер од страна на полицијата.

"Егзархија е се уште дел од темната зона на Атина. По протестите сфаќаме дека ситуацијата е толку лоша како што никогаш не била претходно ", напишале потписниците.

"Стотици демонстранти со качулки, непречено упаѓаат во куќи и станбени блокови, ги разбиваат вратите, ги заплашуваат станарите, крадат и палат пожари на покривите", се жалат во писмото..

Жителите се пожапиле дека нивните возила редовно ги наоѓаат искршени кога има протести, а има и сериозни оштетувања на јавните згради и инфраструктура.

"На групите и мафијашките организации во кои се вклучени грчки и странски членови им се дава слобода во оваа област", рекоа тие, додавајќи дека луѓето се напаѓаат по улиците, дрога се продава непречено на улиците, а локалните продавници редовно се цел на грабежи.

"Ние исто така имаме права. Животот ни припаѓа и на нас и на нашите деца“, се вели во писмото.