Од канцеларијата на Народниот правобранител денеска информираа дека нема штрајк во затворите во Македонија.

Објаснуваат дека при посетата на нивни екипи било констатирано незадоволство меѓу затворениците, но и дека имаат основано сомневање дека на организиран начин тие се заплашувани.

„Народниот правобранител констатира дека има незадоволство од одлуката на претседателот на државата, Ѓорге Иванов, за дадената аболиција, како и од неговиот одговор на барањето за помилување на затворениците. Народниот правобранител, исто така, има основани сомневања дека, на организиран начин, врз затворениците им е вршен притисок да не штрајкуваат со што им е повредено правото на штрајк“- велат од канцеларијата на Народниот правобранител.

Состојбата во затворите ќе се следи континуирано и претставници на правобранителството ќе разговараат со затворениците, за да им укажат на нивните права но и обврски. Ќе им кажат како може да искажат незадоволство, но и да знаат дека мора да го почитуваат куќниот ред.