Од Народна банка се произнесоа за проблемот со картичките. 

Велат дека во согласност и со информациите од објавеното известување на Македонската банкарска асоцијација,  Народната банка ја информира јавноста дека привремената недостапност на дел од услугите со платежни картички е поврзана со самите системи на картичните брендови Виза и Мастеркард. 

„До нивното надминување, клиентите можат непречено да ги користат потребните банкарски услуги во експозитурите и филијалите на банките. Народната банка континуирано ја следи ситуацијата и е во постојана комуникација со релевантните институции и деловните банки за побрзо надминување на пречките за непречено функционирање на сервисите. Напоменуваме дека паричните средства на граѓаните на сметките на банките се безбедни и достапни во секој момент“, велат од Народна банка. 

Македонската банкарска асоцијација известува дека услугите на деловните банки поврзани со картичките VISA и MasterCard се недостапни на банкомат, но и за плаќање во трговскиот промет.

Тие информираа дека станува збор за интернационален проблем и дека се работи на брзо нормализирање на сервисите.